పుస్తక విక్రయశాల

పరిషత్తు తన ప్రాంగణంలో పుస్తక విక్రయ విభాగాన్ని నెలకొల్పింది. పరిషత్తు ప్రచురణలను, తమ స్వీయ ప్రచురణల విక్రయంలో తోడ్పాటుకోరిన రచయితల గ్రంథాలు పుస్తక విక్రయ విభాగంలో లభిస్తాయి. భారీ సంఖ్యలో కొనుగోళ్ళు చేసే ఇతర విక్రయ కేంద్రాల వారికి పరిషత్తు సముచితంగా రాయితీ ఇస్తుంది. 2015 అక్టోబరు మాసంలో వారం రోజులపాటు పరిషత్తు పుస్తక ప్రదర్శనను తన ప్రాంగణంలో ఏర్పాటు చేసింది. పరిషత్తు తన ప్రచురణలను మూడు విభాగాలుగా వర్గీకరించి 20%, 30%, 50% తగ్గింపు ధరలకు ఈ ప్రదర్శనలో విక్రయించింది. రూ.1 లక్షకు పైగా పరిషత్తుకు రాబడి వచ్చింది. ముద్రిత గ్రంథాలను తగినంతగా పోషించగల పాఠకులు ఉన్నారన్నది ఇది నిరూపిస్తుంది. పుస్తక విక్రయ కేంద్రంలో ఒక గుమస్తా ఉంటాడు. ఈ కేంద్రం ఉ.10.30 నుంచి సా.6.00 గం.ల వరకు పనిచేస్తుంది.